ပါဝင်ပစ္စည်းများ
- 🟢 မရမ်းသီး - ၅ ကျပ်သား
- 🟢 မျှင်ငပိ - ဟင်းစားဇွန်း ၁ ဇွန်း (မီးကင်ထားပါ)
- 🟢 ပုစွန်ခြောက် - ဟင်းစားဇွန်း ၁ ဇွန်း
- 🟢 ငရုတ်သီးစိမ်း - အစပ်ကြိုက်သလောက် (လှော်ထားပါ)
- 🟢 ကြက်သွန်ဖြူ - ၂ လုံး
- 🟢 ဆား - အရသာအတွက်
|
ပြုလုပ်နည်းအဆင့်ဆင့်
- မရမ်းသီးကို ရေဆေး၊ ထက်ခြမ်းခွဲပြီး အစေ့ထုတ်ပါ။ ထို့နောက် ဆားဖြင့် ခေတ္တနယ်ထားပြီး ရေပြန်ဆေးကာ ပါးပါးလှီးထားပါ။
- ပုစွန်ခြောက်ကို ရေဆေးပြီး ငရုတ်ဆုံတွင် ညက်အောင် အရင်ထောင်းပါ။
- ပုစွန်ခြောက်ညက်လျှင် အခွံနွှာထားသော ကြက်သွန်ဖြူနှင့် လှော်ထားသော ငရုတ်သီးစိမ်းတို့ကို ထည့်ပြီးထောင်းပါ။
- ထို့နောက် ပါးပါးလှီးထားသော မရမ်းသီး၊ မီးကင်ထားသော မျှင်ငပိ နှင့် ဆားတို့ကို တစ်ခါတည်းထည့်ပြီး သမအောင်ထောင်းပါ။
- အရသာမြည်းကြည့်ပြီး လိုအပ်ပါက ဆားထပ်ထည့်နိုင်ပါသည်။ ချဉ်ငံစပ် ထမင်းမြိန် မရမ်းသီးငပိထောင်းကို သုံးဆောင်နိုင်ပါပြီ။
|
0 Comments