|
1
|
ငရုတ်သီးထောင်းပြင်ဆင်ခြင်း: ဂျင်း၊ ကြက်သွန်ဖြူ၊ ကြက်သွန်နီတို့ကို ညက်အောင်ထောင်းပါ။ ညက်လာလျှင် ငရုပ်သီးအရောင်တင်မှုန့် စားပွဲတင်ဇွန်း ၃ ဇွန်းထည့်ပြီး သမအောင် ရောမွှေပါ။
|
|
2
|
ကြက်သားနှပ်ခြင်း: ကြက်သားကို ကြက်သားမှုန့်၊ သကြား၊ ဆား၊ ဟင်းချိုမှုန့်၊ နနွင်းမှုန့်၊ ဒိန်ချဉ်တို့ဖြင့် သမအောင်နယ်ပြီး အနည်းဆုံး ၁ နာရီခန့် နှပ်ထားပါ။
|
|
3
|
ထောပတ်ထမင်းတည်ရန်ပြင်ဆင်ခြင်း: ဘာစမာတီဆန်ကို ရေဖြင့်ပြောင်စင်အောင်ဆေးပါ။ ဒယ်အိုးထဲတွင် ထောပတ်တစ်ဇွန်းထည့်ကာ သစ်ဂျပိုးခေါက်၊ ကရဝေးရွက်၊ ဇီယာ၊ လှီးထားသော ကြက်သွန်နီနှင့် ပျဉ်းတော်သိမ်ရွက်တို့ကို ဆီသတ်ပါ။
|
|
4
|
ထမင်းချက်ခြင်း: အနံ့မွှေးလာလျှင် ဆေးထားသောဆန်ကိုထည့်၍ ခဏမွှေပါ။ ထို့နောက် ပေါင်းအိုးထဲသို့ပြောင်းထည့်ပြီး ဆန်တစ်ဆ ရေတစ်ဆ နှုန်းဖြင့် ချက်ပါ။
|
|
5
|
အသီးအရွက်နှင့် အစေ့အဆံများထည့်ခြင်း: ထမင်းရေခန်းချိန်တွင် သီးစုံထုပ်ကိုထည့်ပါ။ ထမင်းပေါင်းအိုးမီးခလုတ်တက်သွားလျှင် သီဟိုဠ်စေ့နှင့် စပျစ်သီးခြောက်တို့ကိုထည့်ပြီး နှံ့အောင်မွှေပေးပါ။
|
|
6
|
ကြက်သားဟင်းချက်ခြင်း: ဒယ်အိုးထဲတွင် ဆီ စားပွဲတင်ဇွန်း ၁ ဇွန်းခွဲခန့်ထည့်ပြီး အပူပေးပါ။ ဆီပူလာလျှင် အစောကထောင်းထားသော ငရုတ်သီးကိုထည့်ပြီး ဆီသတ်ပါ။
|
|
7
|
ကြက်သားထည့်ချက်ခြင်း: ဆီသတ်နံ့မွှေးလာလျှင် နှပ်ထားသောကြက်သားကိုထည့်ကာ အသားတင်းလာသည်အထိ မွှေပေးပါ။ ထို့နောက် ရေအနည်းငယ်နှင့် မဆလာထည့်ကာ အဖုံးအုပ်ပြီး တည်ထားပါ။
|
|
8
|
ဟင်းအပြီးသတ်ခြင်း: ရေနှစ်ရေခန့်ခန်းပြီး ကြက်သားနူးအိသွားလျှင် အပေါ်မှ နံနံပင်လေးအုပ်ကာ အရသာရှိသော ကြက်သားဟင်းကို သုံးဆောင်နိုင်ပါပြီ။
|
0 Comments