ချဉ်ပေါင်ကြော်နည်း

အချဉ်ပေါ့အောင် ကြော်နည်း

အိမ်မှာ မကြာခဏ ကြော်စားဖြစ်နေတဲ့ ချဉ်ပေါင်ကြော်နည်းလေးကို အချဉ်ပေါ့အောင် ကြော်တဲ့ နည်းလေးနဲ့ ရေးသားပေးပါမယ်ရှင့်။

ပါဝင်ပစ္စည်းများ

• ချဉ်ပေါင်ရွက် (ရေဆေးပြီး ရေစစ်ထားပါ)
• ကြက်သွန်ဖြူ (ထောင်းရန်)
• ကြက်သွန်နီ (ထောင်းရန်)
• ငရုတ်သီး အရောင်တင်မှုန့် (ထောင်းရန်)
• ပုဇွန်ခြောက် (ထောင်းရန်)
• မျှစ်ပြုတ်
• ငရုတ်သီးစိမ်း
• ငရုတ်သီးအကြမ်းမှုန့်
• စိမ်းစားငပိ
• အချိုမှုန့် (သို့မဟုတ်) သကြား
• ဆီ
• ဆား

အရသာရှိသော ချဉ်ပေါင်ကြော်

ကြော်နည်း

1. မကြော်ခင် အရင်ဆုံး ရေနွေးကို ပွက်ပွက်ဆူအောင် တည်ထားပါ။
2. ရေနွေးဆူလာလျှင် ချဉ်ပေါင်ရွက်ကို အရင်ထည့်ပြုတ်ပါ။ ချဉ်ပေါင်ရွက် နွမ်းပြီး နူးညံ့အိဖတ်လာလျှင် အရည်ငှဲ့ပစ်ပြီး ရေစင်အောင် စစ်ထားပါ။
3. ပြီးလျှင် ဒယ်အိုးကို မီးဖိုပေါ်တင်ပါ။ ရေစစ်ထားသော ချဉ်ပေါင်ရွက်များကို အိုးထဲထည့်ပြီး ရေခြောက်အောင် မွှေပေးပါ။ မျှစ်ကိုလည်း တစ်ခါတည်း ရောပြီးထည့်မွှေပါ။
4. အစပိုင်းတွင် နားနားပြီး မွှေပေးပါ။ ရေခြောက်ကာနီးပြီဆိုသည်နှင့် ခပ်နာနာ အဆက်မပြတ် မွှေပေးပါ။ (အိုးကပ်တတ်သောကြောင့်ပါ။) ခြောက်လျှင် ချလို့ရပါပြီ။
5. ပြီးလျှင် အိုးအသန့်/ဒယ်အိုးကို ပူအောင်တည်ပါ။ ဒယ်အိုးပူလာလျှင် ဆီထည့်ပါ။
6. ဆီပူလာလျှင် ထောင်းထားသော ငရုတ်မှုန့်၊ ကြက်သွန်ဖြူ၊ ကြက်သွန်နီ၊ ပုဇွန်ခြောက်တို့ ထည့်မွှေပြီး ဆီသပ်ပါ။
7. ဆီသပ်နေချိန်တွင် ငရုတ်သီးအကြမ်းမှုန့် ထည့်ပါ။ စိမ်းစားငပိကို ရေဖျော်ပြီးထည့်မွှေပါ။
8. ဆီပြန်လာလျှင် ခြောက်အောင်မွှေထားသည့် ချဉ်ပေါင်ရွက်နှင့် မျှစ်တို့ကို ထည့်ကြော်ပြီး ငရုတ်သီးစိမ်း၊ ဆား၊ အချိုမှုန့် (သို့မဟုတ်) သကြားတို့ကို ထည့်ပြီး နှံ့အောင်မွှေကာ ကြော်ပါ။

ချက်ပြုတ်နည်း အကြံပြုချက်များ ✨

ဒီချဉ်ပေါင်ကြော်နည်းအတွက် Gemini AI ကနေ ထပ်ဆောင်းအကြံပြုချက်တွေ ဒါမှမဟုတ် တီထွင်ဖန်တီးမှုအသစ်တွေ ရယူနိုင်ပါတယ်။

အကြံပြုချက်များ ထုတ်လုပ်နေပါသည်။ ခဏစောင့်ပေးပါ...

ကဲ ဒါဆိုရင် အရသာ အရမ်းရှိတဲ့ ချဉ်ပေါင်ကြော်လေး စားလို့ရပါပြီနော်ရှင့်!